Архангай аймгийн Хотонт сумын төвийн урдхан хэсэгт багахан хэмжээний мод үржүүлгийн газар байх аж. Эндхийн эзэн нь Ц.Чанцалдулам. Агрономич мэргэжилтэй тэрбээр насаараа энэ чиглэлийнхээ ажлыг хийж, бас мод үржүүлгийн газарт инженер хийж явсан, ажилдаа үнэнхүү мэргэшсэн нэгэн юм байна. Мод гэдэг сэдвийн хүрээнд яриад байвал сонины хэдэн хуудас хүрэлцэхээргүй хэмжээний баялаг ажээ. Олныг нуршилгүй товчхон ярилцсанаа хүргэе.

Аймгийн төвийн хойно орших Булган уулын энгэрт тэртээ таван жилийн өмнө “Эрдэнэт” үйлдвэрийн Ерөнхий захирал Ч.Ганзориг болон түүний хэсэг нөхөд Бурхан багшийн сэрэг дүрийг залсан билээ. Өнгөрсөн таван жил архангайчуудын шүтээн, бахархал болж, зулаа өргөдөг, шүншиглэж залбирдаг, хувь заяа юугаа даатгаж, биширч, очих дуртай газрын нэг болоод байгаа юм. Гагцхүү өнгө үзэмж, орчин тойрны нь цэвэр байлгах үүрэг Та биднийх. Шүншиглэж мөргөсөн шигээ хайрлаж, хамгаалж, Ч.Ганзориг нарын буянтнуудад талархаж байх хэрэгтэй биз ээ. “Эрдэнэт” үйлдвэрийн Ерөнхий захирал Ч.Ганзориг өнгөрсөн зун Бурхан багшийн сэрэг дүрийг залсаны таван жилийн ойг тохиолдуулан Монгол Улсын гавъяат жүжигчин Д.Сосорбарамыг урьж Эрдэнэбулган суманд авчран “Үлэмжийн чанар” тоглолтыг үзэгч олноо толилуулсан юм. Энэ нь их учиртай. Бурхан багшийн сэрэг дүрийг шүншиглэхэд гурван зүйл хэрэгтэй гэж үздэг аж.

Засгийн газрын Хэрэг эрхлэх газрын Хяналт, шинжилгээ, үнэлгээний ажлын хэсэг Архангай аймагт үзлэг шалгалтын ажлыг зохион байгууллаа. Аймгийн Засаг даргын тамгын газар болон БСГ, ЭМГ, ХХААЖДҮГ, Татварын хэлтэс, Төвшрүүлэх, Батцэнгэл, Эрдэнэбулган сумын ЗДТГ энэ шалгалтад хамрагдлаа.

Шалгалтын дүнг танилцуулах хурал ЗДТГ-ын “VIP” танхимд болж ЗГХЭГ-ын дэд дарга Д.Нямжав танилцуулав. Тэрбээр дүнг танилцуулахдаа,

-Юуны түрүүнд аймгийн Засаг даргын 2008-2012 оны оны үйл ажиллагааны хөтөлбөрийг хэрэгжүүлэх ажлын хүрээнд “Архангайн хөгжил-Өнөө ирээдүй” сэдэвт хэлэлцүүлгийг нийт сум, байгууллага, нутгийн зөвлөлүүд, эрдэмтэн мэргэд, мэргэжлийн хүмүүсийг хамруулан зохион байгуулсаны дүнд “Архангай аймгийн хөгжлийн цогц бодлого 2011-2021 он” гэсэн баримт бичгийг энэ оны хоёрдугаар сард аймгийн ИТХ-аар баталсан явдал тун сайшаалтай. Энэ баримт бичигт УИХ-аас баталсан Монгол Улсын болон аймгийн ИТХ-аар гаргасан хөгжлийн бодлогын стратеги, үзэл санаа нэгдсэн цогц хэлбэрээр тусгагдсан байна хэмээн дүгнэв.